លិខិតរបស់ស្ថានអគ្គកុងស៊ុលកម្ពុជាប្រចាំទីក្រុងណាននីង គោរពជូនពរឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងលោកជំទាវ ក្នុងឱកាសចូលឆ្នាំថ្មីឆ្នាំសាកល ២០២៥។

នៅថ្ងៃទី ១៦ ខែមករា ឆ្នាំ២០២៥ លោក តាំង សុខងន់ អគ្គកុងស៊ុលកម្ពុជាប្រចាំទីក្រុងណានណីង និងសហការីបានអមដំណើរលោក ហាយ យង់ អភិបាលរងខេត្តសៀមរាប ចូលរួមកម្មកិច្ចប្រជុំ “2025 Global Mayors Dialogue” នៅទីក្រុង Nanning ក្នុងគោលបំណងដើម្បីបង្កើនទំនាក់ទំនងរវាងទីក្រុងនិងទីក្រុង បង្កើតការឯកភាពគ្នា ពង្រីកកិច្ចសហប្រតិបត្តិការ និងចែករំលែកបទពិសោធន៍ការអភិវឌ្ឍន៍ទីក្រុង និងពិភាក្សាអំពីកិច្ចសហប្រតិបត្តិការឈ្នះ-ឈ្នះរួមគ្នា។

នៅថ្ងៃទី២១ ខែមករា ឆ្នាំ២០២៥ លោក តាំង សុខងន់ អគ្គកុងស៊ុល និងមន្ត្រី នៃស្ថានអគ្គកុងស៊ុលកម្ពុជាប្រចាំទីក្រុងណាននីង បានចូលរួមកម្មវិធីអបអរសាទបុណ្យចូលឆ្នាំថ្មីប្រពៃណីចិន រៀបចំដោយមន្ទីរការបរទេសទីក្រុងណាននីងនៅសណ្ឋាគារ Na Lotus Hotel ក្រោមអធិបតីភាពអភិបាលរងក្រុងណាននីង និងមានការចូលរួមដោយអគ្គកុងស៊ុលអាស៊ានប្រចាំនៅទីក្រុងណាននីង។

នៅថ្ងៃទី១៥ ខែកម្ភៈ ឆ្នាំ២០២៥ លោក តាំង សុខងន់ អគ្គកុងស៊ុលកម្ពុជា ប្រចាំទីក្រុងណាននីង និងសហការី បានចូលរួមកិច្ចប្រជុំពាណិជ្ជករខេត្តអានហួយ ស្តីពីការអភិវឌ្ឍសេដ្ឋកិច្ចគុណភាពខ្ពស់ ក្នុងតំបន់ ចិន(ក្វាងស៊ី)-អាស៊ាន រៀបចំដោយសភាពាណិជ្ជកម្មអានហួយនៅទីក្រុងណាននីង។

នៅថ្ងៃទី១៤ ខែកម្ភៈ ឆ្នាំ២០២៥ លោក តាំង សុខងន់ អគ្គកុងស៊ុលនិង លោកស្រី អេង ថាវី ភ្នាក់ងារកុងស៊ុលកម្ពុជាប្រចាំទីក្រុងណាននីង បានចូលរួមខួបលើកទី៧៧ នៃបុណ្យឯករាជជាតិភូមា ដែលរៀបចំដោយស្ថានអគ្គកុងស៊ុលភូមាប្រចាំទីក្រុងណាននីង។